De treno Freccia Rossa c'l'è davera bel,
is n'è fat un vent tut Quej dla Ferovia
tent da mustrè al qualità dl'ultma tecnologia
che me treno la l'ardus cumè un giujel.
Velocità, comodità, sicureza e quant'elt,
tut e concorda per dej e giust riselt.
Ma tenta qualità uj vleva un nom adat,
temp fa Tartaruga l'era una locomotiva,
un elettrotreno Setbel, quasi u si stimiva
quand e paseva, e pareva Un sezie e sudisfat.
E prim Freccia Rossa il ha dedichè m'Un Curidor
Italien, cumè una frecia l'ha vint amdaje d'or.
L'è armast ad Lù e ricord, quel d'un Campion
che curiva a pid, da per ades i Dù i cur insen
per tut l'Italia, Bari, Milen, Roma, Turen,
duvè che pasa Ste Nom per tut l'è sudisfazion.
Ross splendent che Treno e per Un in livrea,
Quel cui stà peri a pid l'è, us sa: Pietro Mennea.
Mario Tonini
(Riccione)